Министерот за здравство и дел од коалицијата Вреди, Арбен Таравари истакна дека засега нема да ја напушти владината коалиција.
Ова следува откако изнесе тврдење дека има несогласувања во коалицијата Вреди во врска со настапот на локалните избори.
„Не, засега не. Работните групи меѓу пратениците се уште водат преговори, така што се надеваме дека ќе најдеме заеднички јазик. Ако не, тогаш ќе видиме како понатаму“, рече Таравари.
Пратеничката група на ВРЕДИ работи на начинот за евентуална соработка за локалните избори. Оттаму велат дека имале средба на која разговарале за настапот на локалните избори, дека рамката се усогласува и оти за кратко време ќе имаат верзија која ќе им биде позната на лидерите од коалицијата.