Мајкл Маден и наплаќа кирија на својата ќерка (6), а неговиот метод на воспитување предизвика вистински скандал на мрежите.
Еден татко привлече внимание откако сподели на TikTok како на својата шестгодишна ќерка Роуз ѝ наплаќа кирија за соба. Вели дека тоа е начин да ѝ помогне да развие добар карактер и финансиска писменост уште од рана возраст.
– Финансиската писменост е исклучително важна. Учењето да управува со пари на шестгодишна возраст значи дека нема да има проблем со нив кога ќе наполни 26 години. Таа учи дека парите се заработуваат, а не се добиваат – истакнува Мајкл за TODAY.com .
Ќерката (6) ја плаќа киријата на својот татко
Во своето видео, Маден покажува како ја „собира“ киријата: 3 долари за соба и 1 долар за комуналии. Парите од киријата одат во буџетот, а Роуз може да ги заработи со вршење домашни работи и одржување лична хигиена.
За неделен надомест од 5 долари, Роуз мора да заработи 25 поени, кои ги собира за задачи како што се перење алишта, миење заби и средување на креветот.
– Поентата не е само во плаќањето на киријата , туку и во учењето и одговорноста – објаснува Меден.
@michael_talksmoney DM me for the Budget Binder, Savings Challenge Binder, and Chore Chart links. I’ll send them right over! She pays rent. She tracks her chores. And yes, we make it fun like a game. She loves it. She’s motivated to do the same tasks she already should be doing, but now there’s a reward tied to it. She’s learning that money is earned, not given. And soon, we’ll teach her how to budget, save, and buy the things she wants, if she has the money for it. Because learning to work with money at 6 means she won’t struggle with it at 26. 💸
♬ original sound – Michael -IG michael_talksmoney
Овој татко верува дека на овој начин неговата ќерка учи важни животни лекции што тој не ги научил на време.
– Ова се грешки што самиот ги направив порано во мојот живот. Жалам што не ги знаев овие работи пред десет години, кога го купував мојот прв автомобил и ми требаше да изнајмам стан – вели Мајкл.
Поделени реакции
Реакциите на TikTok беа поделени. Додека некои се залагаат за рано учење за парите како клучна лекција за иднината, други предупредуваат дека таков пристап може да ја намали детската безгрижност и дека парите не треба да играат преголема улога во животот на најмладите.
Мајкл вели дека овој метод ја мотивирал Роуз да се вклучи во домашните работи. Откако ќе ги плати киријата и комуналиите, остатокот од парите може да се заштеди за „црните денови“ или да се потроши на играчка.
– Ако сака нешто поскапо, разговараме за тоа колку пари има и како може да заштеди – вели Меден.
Кога децата треба да учат за парите?
Д-р Дебора Гилбоа верува дека вистинското време да се започне со учење за финансиска писменост е во прво одделение од основно училиште, бидејќи тогаш училишните програми обично ја воведуваат темата за парите.
Гилбоа истакнува дека домашните работи и управувањето со џепарлак се одлични можности за учење од повеќе причини.
– Децата треба да учествуваат во домашните работи бидејќи се дел од семејството. Не сакаме да мислат дека чистењето не е важно само затоа што не се платени за тоа, туку сакаме да придонесат, без оглед на нивната мотивација – вели докторката.