Милан Станковиќ и’ стана познат на јавноста за време на неговото учество на музичкиот натпревар „Ѕвездите на Гранд“, а потоа изгради успешна музичка кариера.
Но, последниве години се повлече од јавната сцена и се посвети на црквата, а често престојува во манастир во Невесиње, каде им помага на монасите.
Некогаш Станковиќ привлекуваше големо внимание со својот стајлинг, но сега целосно го промени имиџот, а пушти и долга коса и брада.
Од моментот кога стекна популарност, неговиот приватен живот беше интригантен за публиката која ја следеше неговата работа.
– Имав само пет месеци кога татко ми отиде во затвор. Затоа не се сеќавам на него, но низ глава ми поминуваат слики од посетите. Никогаш не сум имал чувство дека имам татко, туку некој што го гледам повремено. Татко ми убил извесен човек со кој работел во пекара поради некој долг. По пет и пол години ни кажаа дека паднал од скеле и починал, но јас не верувам. Мислам дека се работи за крвна одмазда – изјави тогаш Станковиќ за локалните медиуми.
Милан еднаш се осврна на необјаснетите околности под кои починал неговиот татко.
– Болните приказни стануваат многу поболни кога за нив се зборува преку медиумите. Ова не е мистерија, туку семејна трагедија која не е медиумско лекување, туку рана. Никогаш нема да заздрави и најмалку што би можел да побарам е луѓето да не копаат по него – изјави Милан за магазинот „Стори“.
– Дали има смисла да се бара дополнителен одговор во нечија смрт? Мене како дете кое помина низ тоа, доволен хендикеп ми е фактот што пораснав без татко, а тоа го знаат само оние кои биле во слична ситуација. Никогаш немав намера да зборувам за тоа, бидејќи тоа е моја интимна болка. Сега нема да навлегувам во детали на таа тема, не затоа што Господ знае каква мистерија се крие во неа, туку затоа што едноставно е многу тешко.