Поранешниот таен агент и шпион на Тито, Слободан Митриќ, попознат како Карате Боб, побегнал од Југославија откако одбил да изврши едно убиство во тогашна Југославија. Тој почина во Амстердам во ноември 2016 година. Митриќ пристигна во Холандија во 1973 година кога уби тројца Срби во Амстердам, на Божиќ, за што беше осуден на 13 години затвор. Полицијата тогаш официјално изјави дека се работи за ,,подземни пресметки”.
Карате Боб, како што го нарекуваа поради неговото мајсторство во оваа боречка вештина, инсистираше дека тоа е професионална задача на таен агент.
По издржувањето на затворската казна не се вратил во тогашна Југославија поради проценка дека може да биде убиен, туку државата од Холандија сè уште го прогласува за „непожелен“ странец. И покрај тешките услови за живот, без речиси никакви права, 43 години непрекинато живеел во Амстердам. Додека ја издржувал затворската казна, тој напишал мемоари кои ги објавиле холандските издавачи под наслов “Тајниот агент на Тито“, а потоа објави уште неколку интригантни наслови за подземјето и за работите на тајните служби. Во книгата е претставен како југословенскиот Џејмс Бонд и во неа детално објаснува како ликвидирал луѓе во земјите од источниот блок, Франција, Шведска и Белгија за потребите на југословенската тајна служба и пред чиј шарм жените никогаш не биле рамнодушни.
Од смртта на неговата партнерка во 2006 година, холандските власти одбија да му дадат какви било социјални бенефиции, сместување како и здравствена заштита. Интересен е податокот дека и кога се венчале, Митриќ немал пари, па церемонијата се одржала во градската општина во понеделник, кога паровите можат бесплатно да се венчаат. Митриќ никогаш не ги призна ликвидациите, односно ги призна, со овие зборови:
,,Јас не убив никого. Ги ликвидирав само државните непријатели и криминалците“, рече Митриќ.
За да преживее, објави неколку книги и драми во Холандија, меѓу кои и ,,Битката во Косово”. Во 1992 година беше на прагот да им се придружи на српските паравоени сили, но бидејќи не се осмели да се врати на територијата на поранешна Југославија, остана во Амстердам. Таму, во текот на 1992 година, печател летоци во кои повикувал на одмазда против непријателите на Србија. Кога министерот Герд Лирс одлучи да го депортира во Србија во 2012 година, Митриќ веќе беше тешко болен. Последните денови ги поминал на таванот на една напуштена училишна зграда во источниот дел на Амстердам. Случајно бил пронајден и пренесен во болница во тешка состојба, каде набргу починал.