Украинските сили истрелуваат проектили произведени во Северна Кореја пред 30 и повеќе години кон руските позиции!
Ова го тврди угледниот весник Financial Times, кој се повикува на изјавите на припадниците на украинските артилериски единици кои управувале со повеќе ракетни системи MLRS од советската ера во близина на уништениот град Бахмут. Весникот наведува дека во најголемиот копнен конфликт во Европа по Втората светска војна, се користат различни генерации оружје од целиот свет, од стара советска опрема до модерно прецизно оружје.
Руслан, командант на украинската артилерија во близина на Бахмут, вели дека неговите војници не ги фаворизираат севернокорејската муниција поради нивната релативно висока стапка на неквалитет, а многу ракети или не испалуваат или едноставно не експлодираат. Судејќи според ознаките, повеќето од нив се произведени во осумдесеттите и деведесеттите години на минатиот век.
Еден член на украинската единица ги предупредил новинарите на Financial Times да не се приближуваат премногу до ракетниот фрлач кога екипажот пука со севернокорејска муниција бидејќи тие се многу несигурни и понекогаш „прават луди работи“.
Топџиите се меѓу артилериските единици кои ја поддржуваат офанзивата на Украина против руските сили на северното и јужното крило на Бахмут, лоцирано во источниот регион Доњецк. Новинарите на споменатиот весник ги фотографирале украинските сили кои управуваат со севернокорејската муниција во јужниот регион Запорожје кон крајот на јуни и во текот на јули, но не можеа тогаш да потврдат дека муницијата е од Северна Кореја.
Украинските војници велат дека ракетите биле купени од „пријателска земја“ на брод пред да бидат испорачани во Украина. Тие одбиле да дадат повеќе детали. Министерството за одбрана на Украина сепак сугерира дека ракетите биле преземени од руските сили.
„Ги заробуваме нивните тенкови и опрема, а многу е можно и тоа да е резултат на успешното спроведување на воената операција на украинската Армија. Русија купуваше различни видови муниција во многу тирански земји, меѓу кои и Северна Кореја и Иран“, изјавил советникот на министерот за одбрана на Украина, Јуриј Сак.
Малку е веројатно дека Северна Кореја директно ќе и доставува муниција на Украина, бидејќи Пјонгјанг ја поддржува инвазијата на Москва.
Рускиот министер за одбрана Сергеј Шојгу неодамна отпатува во Пјонгјанг за да ја прослави 70-годишнината од примирјето во Корејската војна и да ја „зајакне соработката“ со севернокорејската војска.
Белата куќа во март тврдеше дека има докази дека Москва преговара со Пјонгјанг за размена на оружје за храна. Портпаролот на Советот за национална безбедност на САД, Џон Кирби, исто така, обвини дека Пјонгјанг и продавал ракети и проектили на групата Вагнер на Евгениј Пригожин во екот на битката кај Бахмут, а самиот Евгениј Пригожин ги отфрли обвинувањата како „озборувања и шпекулации“.
Системот MLRS од 122 mm дизајниран од Советскиот Сојуз. Еден систем може да истрела до 40 проектили за помалку од 20 секунди од цевки поставени на шасијата на камион Ural.