Фејсбук ги смени иконите на newsfeed-от и бојата на логото на апликацијата.
Пред неколку дена се случи суптилна промена. Додека некои тоа воопшто не го забележале, многумина велат дека им боде очи новата сина боја на логото на Фејсбук.
Корисничка на TikTok по име myaudhdnotebook рече дека новата боја на Фејсбук и пречи. Видеото брзо стана вирално. Повеќе од шест илјади луѓе се вклучија во дискусијата и повеќето се согласуваат дека новата боја на Фејсбук е во најмала рака иритирачка.
„Премногу е сино“, „Очите ме болат од ова“, „Никој не зборува за ова, промената не е воопшто суптилна“, пишуваат tiktokers.
„Суптилна промена“
Мета, која е во сопственост на Фејсбук, пред една недела го претстави новото лого на популарната социјална мрежа, а промената е толку суптилна што многумина не ја ни забележаа разликата.
Новата промена вклучува потемна нијанса на сина и мала промена на малата буква „f “, а во објавата на блогот тие објаснија дека промената е дел од стратегијата за „освежување на дизајнот на логото на Facebook, правејќи го похрабро и повеќе впечатливо“.
Тие нагласија дека потемната нијанса на сина е избрана за буквата „ f “ повеќе да се истакне и дизајнот да биде „визуелно попристапен“.
Со оглед на тоа што Facebook има повеќе од 2 милијарди корисници и секоја промена е видлива за голем број луѓе, Мета објасни дека токму тоа е причината поради која компанијата користи суптилни промени на логото наместо радикални.