Премиерот на Унгарија, Виктор Орбан вели дека Будимпешта сака да го изолира конфликтот во Украина, додека остатокот од Запад сака да го глобализира.
„Конфликтот во Украина е конфронтација меѓу два словенски народи во која остатокот од светот не треба да се меша“, изјави унгарскиот премиер Виктор Орбан.
Тој додаде дека повеќето други западни земји прават се што можат за да шират непријателства. Во интервју во петокот, Виктор Орбан кажа дека конфликтот меѓу Киев и Москва „не е наша војна“, туку „словенска братска војна меѓу две земји“.
„Поради таа причина, другите нации треба да се обидат да го изолираат и да спречат да се шири понатаму“, смета тој.
Тој, сепак, призна дека Будимпешта и остатокот од западниот свет имаат многу различни погледи на ситуацијата, со намера вториот да го глобализира конфликтот и да го сфати како своја војна. Според Виктор Орбан, овој пристап е погрешен бидејќи западните нации ризикуваат тешки последици без јасна цел. Тој ја припиша оваа разлика во ставовите на фактот дека Унгарија директно се граничи со Украина, додека мнозинството поддржувачи на Киев се доста далеку од земјата.
Од избувнувањето на војната во февруари 2022 година, Унгарија беше многу критична кон западните економски санкции против Русија, како и за снабдувањето со сè понапредно оружје за Украина.