Претседателот на Србија, Александар Вучиќ, изјави дека Приштина мора да направи одредени отстапки за Србите да учествуваат на нови избори на северот на Косово.
Според него, Србите на северот на Косово се секогаш подготвени за разговори, но за возврат мора да им се понуди нешто, јавија српски медиуми пренесувајќи извадоци од негово интервју за медиумската агенција Reuters.
„Сите Срби на север веруваат дека Србија е нивна земја, а не Косово. Тоа е реалноста“, рекол Александар Вучиќ во интервјуто.
Тој посочи дека Заедницата на српските општини се уште не е формирана, а косовските специјалци и албанските градоначалници се уште не се повлекле.
Одговарајќи на обвинувањата на косовската претседателка Вјоса Османи која го обвини Белград за мешање во изборниот процес на северот на Косово, Александар Вучиќ кажа дека – „тоа што овие луѓе го зборуваат е застрашувачко“.
Според него, косовскиот премиер Албин Курти не е подготвен за компромис.