Судот во Сао Роке, кој се наоѓа на островот Пико, дел од Азорските Острови, го осуди Томислав Јозиќ , по потекло од Босна и Херцеговина , на 25 години затвор, што е и максимална казна.
Тој е осуден за убиство на двајца соседи кои прво ги убил, а потоа им ги запалил телата.
Покрај Јозиќ, на три години и 10 месеци е осудена и неговата сопруга Рут Хагер за помагање во палењето на телото , но и за поседување непријавено оружје.
По отслужувањето на казната, Јозиќ ќе добие забрана за враќање на сите португалски територии на 25 години , а на сопругата седум години.
И покрај тоа што Јозиќ од самиот почеток тврдеше дека е невин, истрагата утврди дека се работи за брутални убиства. Инаку, Јозиќ е од БиХ, но имал и германско државјанство.
Да потсетиме, во септември 2022 година беше откриено дека Јозиќ убил, распарчил, а потоа запалил двајца познаници на својот имот во Пик . Дури по пријавувањето на исчезнувањето, полицијата започнала потрага, а на имотот на Јозиќ, меѓу пепелта, го пронашла пејсмејкерот на една од жртвите.
Како што претходно објавија португалските медиуми, Јозиќ ги убил овие двајца мажи бидејќи не сакал соседи во близина на неговиот имот , а ова дуо планирало да ја купи соседната парцела.