На веб-страницата на американската компанија „Океангејт“ се уште стои оглас за обиколка на потонатиот брод „Титаник“ на дното на Атлантскиот Океан, иако поминаа повеќе од десет дена од смртта на петмината патници на малата подморница „Титан“ која ја вршеше таа тура.
Меѓу жртвите е и Стоктон Раш, ко-основач на „Oceangate“, а на веб-страницата на компанијата се уште има понуди за две мисии „Титан“ планирани за периодот од 12 до 20 јуни 2024 година и од 21 до 29 јуни 2024 година.
Се вели дека цената е 250.000 долари по лице, што вклучува едно нуркање во непостоечката подморница, сместување, сета потребна обука и опрема, како и оброци.
Меѓу „експертите кои можат да ви се придружат во експедицијата“ е Пол-Анри Наргеоле, француски нуркач кој беше меѓу петте жртви на експлозијата на „Титан“ на 18 јуни.
Американската крајбрежна стража објави дека нејзините експерти ќе ги анализираат можните човечки останки од деловите од остатоците на „Титан“ исфрлени на брегот во среда.