Американскиот претседател Доналд Трамп изјави дека бил „малку саркастичен“ кога во текот на кампањата постојано тврдеше дека војната меѓу Русија и Украина може да заврши во рок од 24 часа.
Трамп одговори на тоа прашање во интервју за емисијата „Full Measure“ додека неговата администрација продолжува да се обидува да посредува за решение, 54 дена од неговиот втор мандат, објави порталот „Local10“.
– Бев малку саркастичен кога го кажав тоа. Она што навистина мислев е дека сакам да го решам и мислам дека ќе успеам“, рече Трамп.
Во мај 2023 година, Трамп изјави за Си-Ен-Ен: „Тие умираат, Руси и Украинци. Сакам да престанат да умираат. И јас ќе го завршам – ќе го завршам за 24 часа“.
Неговиот специјален пратеник Стив Виткоф оваа недела беше во Москва на разговори за американскиот предлог за прекин на огнот, кој Украина го прифати.