Американскиот претседател Доналд Трамп изјави дека ќе разговара за оружјето, вклучително и ракетите „Томахавк“, за време на средбата со украинскиот претседател Володимир Зеленски на 17 октомври.
Трамп ги даде овие коментари во Белата куќа за време на средбата со аргентинскиот претседател Хавиер Миел, пренесува „Телеграф“.
„Слушајте, многу сум разочаран бидејќи Владимир [Путин] и јас имавме многу добри односи. Веројатно сè уште ги имаме. Не знам зошто продолжува со оваа војна. Оваа војна беше толку лоша за него“, додаде американскиот претседател.
Трамп рече дека знае оти Зеленски ќе го покрене прашањето за оружјето за време на состанокот.
„Тој би сакал да има томахавци. Сите други сакаат. А ние имаме многу томахавци. Дали ви требаат томахавци во Аргентина“, додаде шефот на Белата куќа.