Како што објавија Си-Ен-Ен и други американски медиуми, Доналд Трамп издаде наредба да се развие и изгради ракетен одбранбен штит од најновата генерација за заштита на континенталните Соединетите Американски Држави, донекаде по моделот на моќниот израелски систем за воздушна одбрана „Железна купола“.
Одбранбената купола за САД – земја многу поголема од Израел – ќе бара големи инвестиции, како и пресретнувачи базирани на вселената, а целиот процес на развој на таков систем може да трае со децении.
Сепак, на делот од американското тло кое е можеби најранливо на ракетни напади – пацифичкиот остров Гуам – добро е во тек работата за тестирање на повеќеслојна ракетна одбрана што може да го отвори патот за новата идеја на Трамп. Сепак, експертите велат дека и овде има големи предизвици.
„Нема брзи решенија, а одлуките ги донесуваме доцна, иако визионерските воени и политички лидери предвидуваа сè уште во 1990-тите“, рече Карл Шустер, поранешен директор за операции на Заедничката разузнавачка служба на американската Пацифичка команда.
Американската територија Гуам, остров од 340 квадратни километри лоциран во Тихиот Океан, е дом на нешто помалку од 175.000 луѓе.
Тоа е исто така дом на
американската воздухопловна база Андерсен, клучна база за распоредување на бомбардери на американските воздухопловни сили, како што се
Б-1 и Б-52, а понекогаш и Б-2, и е
дом на американските нуклеарни подморници кои би можеле да биде од витално значење во евентуалниот конфликт со Кина околу Тајван, пишува CNN.
Островот Гуам е оддалечен помалку од 3.000 километри од Кина и помалку од 3.400 километри од Северна Кореја. Гуам веќе се појави во кинеските воени пропагандни видеа, а Северна Кореја претходно упати директни закани дека ќе го нападне.