Неколку дена пред почетокот на конклавата, изборот за нов папа, американскиот претседател Доналд Трамп објави на социјалната мрежа „Truth“ монтирана фотографија на која е облечен како папата.
Трамп претходно се пошегува дека е подготвен да стане нов папа, а фотомонтажата, која ја објави без придружен текст, најверојатно е создадена со помош на вештачка интелигенција, според светските медиуми.
На фотографијата, Трамп седи на позлатен престол, облечен како папа, со митра на главата и големо златно распетие на градите, показалецот од десната рака е кренат нагоре, а на домалиот прст носи нешто што личи на папски прстен.
Папата Франциск почина на 21 април на 89-годишна возраст како последица на мозочен удар. Тој беше погребан во римската базилика Санта Марија Маџоре.
Американскиот претседател Трамп присуствуваше на погребот.