Тој изрази надеж дека пресудата ќе биде поништена, во спротивно Америка ќе изгуби милиони долари.
Американскиот претседател Доналд Трамп ја критикуваше пресудата на трговскиот суд во која се вели дека тој ги пречекорил своите овластувања со воведувањето на најобемните царини, нарекувајќи ја погрешна и надевајќи се дека Врховниот суд ќе ја поништи одлуката.
„Американскиот суд за меѓународна трговија донесе неверојатна одлука против Соединетите Американски Држави во врска со многу потребните царини. Но, за среќа, сите 11 судии на Апелациониот суд на САД за Федералниот округ веднаш ја одложија одлуката на Њујоршкиот суд за меѓународна трговија.“
Од каде дојдоа тројцата судии кои ја донесоа првата пресуда? Како е можно тие да предизвикале толку голема штета на Соединетите Американски Држави? Дали е тоа само омраза кон „ТРАМП“? Која друга причина би можеле да ја имаат?
Бев нов во Вашингтон и ми беше предложено да го користам Федералистичкото друштво (американска конзервативна и либертаријанска организација на адвокати, основана во 1982 година на правните факултети во Јеил, Харвард и Чикаго. Денес тоа е една од највлијателните правни организации во Соединетите Американски Држави, особено во републиканските политички и судски кругови, оп.а.) за препораките на судиите.
UH OH. pic.twitter.com/fC4TcsLNug
— Morgan J. Freeman (@mjfree) May 30, 2025
Го направив тоа – отворено и слободно – но наскоро сфатив дека тие се под влијание на вистински „осомничен“ по име Леонард Лео, лош човек кој, на свој начин, веројатно ја мрази Америка и очигледно има свои амбиции. Тој се фали дека ги контролира судиите, дури и судиите на Врховниот суд на САД – се надевам дека тоа не е вистина и не верувам во тоа! Во секој случај, Лео го напуштил Федералистичкото друштво за да ги оствари своите интереси.
Длабоко сум разочаран од Федералистичкото друштво бидејќи ми дадоа лош совет во врска со серија судски номинации. Тоа не може да се заборави!
И покрај сè, горд сум на многу од нашите избори, иако сум многу разочаран од некои. Судиите секогаш мора да го прават она што е исправно за земјата! Благодарение на моето успешно воведување на царини, трилиони долари веќе почнаа да се влеваат во Соединетите Држави од други земји – пари што никогаш не би ги добиле без тие царини. Тоа е разликата помеѓу богатата, успешна Америка и нејзината целосна спротивност.
Одлуката на Судот за меѓународна трговија е целосно погрешна и политички мотивирана! Се надевам дека Врховниот суд брзо и решително ќе ја поништи оваа ужасна одлука што ја загрозува нашата земја. Не смееме да дозволиме задкулисните „играчи“ да ја уништат нашата нација!
Во таа ужасна пресуда се наведува дека ќе треба да побарам одобрение од Конгресот за воведување тарифи. Со други зборови, стотици политичари би седеле во Вашингтон со недели, па дури и месеци, обидувајќи се да одлучат што да им наплатат на земјите што нè експлоатираат. Доколку ваква пресуда остане на сила, таа целосно би ја уништила претседателската моќ – претседателството никогаш повеќе нема да биде исто!
Оваа пресуда се слави низ целиот свет – сите освен Соединетите Американски Држави. Радикалните левичарски судии, заедно со некои многу лоши луѓе, ја уништуваат Америка. Ако оваа одлука остане на сила, нашата земја ќе изгуби трилиони долари – пари што треба да ја направат Америка повторно голема. Тоа би била најстрогата финансиска пресуда во историјата против нашата суверена нација. На претседателот на Соединетите Американски Држави мора да му биде дозволено да ја заштити земјата од оние кои ѝ предизвикуваат економска и финансиска штета.
Ви благодарам за вниманието!“, заклучи Трамп.