Американскиот претседател Доналд Трамп издаде ново застрашувачко предупредување за избувнување на нуклеарен конфликт и Трета светска војна доколку не успеат мировните преговори за Украина, велејќи дека „војна како ниедна друга“ со катастрофално нуклеарно оружје може да избие „многу лесно“.
Американскиот претседател испрати предупредување во петокот вечерта, велејќи дека разговорите за прекин на огнот меѓу Русија и Украина напредуваат – но уништувањето допрва може да биде ослободено ако двете земји не постигнат договор.
– Мислам дека ќе имаме мир, но сегашната ситуација многу лесно може да доведе до Трета светска војна. Би рекол дека сме во прилично добра позиција, многу подобра од онаа каде што бевме пред да се вклучиме во преговорите. Сè се движеше кон избувнувањето на Третата светска војна. Тоа би била војна како ниедна друга поради употребата на нуклеарно оружје и други видови оружја за кои не сакате ни да знаете, рече Трамп, обраќајќи му се на американското Министерство за правда, пишува Дејли мејл.
Тој повтори дека е постигнат голем напредок откако стана претседател на САД.
Трамп додаде дека разговарал и со рускиот премиер „за да се стави крај на војната“.
„Мислам дека ни оди добро со Русија, разговараме со претседателот Путин, сакаме да ставиме крај на војната“, додаде Трамп.
Трамп, исто така, им кажа на присутните дека 350 милијарди долари биле испратени во Европа, сума што аналитичарите веруваат дека е поголема од реалната бројка, и дека е на пат кон договор каде што „ќе ги врати тие пари“.
– Денеска имавме многу добри разговори со Русија, а би се договориле и за прекин на огнот со Украина доколку постигнеме таков со Русија. И не е лесно. Тоа е тешко, рече Трамп.
Американскиот претседател продолжи да повторува дека никогаш нема да има „војна да бев претседател. Тоа 100 проценти немаше да се случи“.
Појавувањето на Трамп во Министерството за правда е негово прво појавување во оваа институција и прво појавување на американски претседател по децениска пауза.
Последниот претседател што го посети Министерството за правда беше Барак Обама, кој присуствуваше на церемонијата на заминување на тогашниот државен обвинител Ерик Холдер.
Коментарите на Трамп во петокот доаѓаат кога Владимир Путин ги повика украинските војници кои се борат во Курск да се предадат откако Доналд Трамп ја повика Русија да ги „поштеди“ нивните животи.
Контраофанзивата на Москва ослободи огромни делови од руската територија што претходно беше заземена од Киев во нејзиниот прекуграничен напад врз Курск минатиот август. Ослободен е и градот Суџа во областа Курск.
Путин инсистираше на тоа дека на украинските сили во Курск ќе им биде „гарантиран живот и достоинствен третман“ доколку го положат оружјето.
Тој во телевизиско обраќање рече дека „сочувствуваме со повикот на претседателот Доналд Трамп“.
– Доколку го положат оружјето и се предадат, ќе им биде загарантиран живот и достоинствен третман.
– За ефикасно спроведување на апелот на американскиот претседател, потребна е соодветна наредба од украинското воено-политичко раководство до армијата да го положат оружјето и да се предадат рече Путин.
Во објавата на социјалните мрежи, американскиот претседател го повика Путин да избегне „ужасен масакр“ и да ги поштеди животите на „илјадници ранливи“ украински војници за кои рече дека се „целосно опкружени“.