Во барањето начини за намалување на стресот и ублажување на неговите негативни ефекти, експертите истакнуваат дека еден докажан пристап е да се избегнува храна што го стимулира лачењето на кортизол. Кортизолот, познат како хормон на стресот, игра клучна улога во регулирањето на метаболизмот, шеќерот во крвта и воспалението. Меѓутоа, кога неговите нивоа се покачени подолго време, може да има негативни ефекти врз расположението, имунолошкиот систем, телесната тежина и целокупното здравје.
Идеалното ниво на кортизол наутро треба да биде помеѓу 10 и 20 микрограми на децилитар, додека навечер може да падне под пет. Сè што е надвор од тој опсег може да биде резултат на диета или подлабок здравствен проблем, предупредува нутриционистката Лорен Манакер. Таа откри која храна го зголемува.
Храна богата со шеќер
Десертите, слатките и газираните пијалоци предизвикуваат нагло зголемување, а потоа и пад на шеќерот во крвта, што телото го доживува како стрес и автоматски ослободува повеќе кортизол. „Нашето тело потоа ослободува кортизол како одбранбен механизам“, вели Манакер за „Вог“.
Пржена храна
Помфритот може да биде омилен десерт за многумина, но пржената храна предизвикува воспаление и дополнителен стрес за телото, што доведува до покачен кортизол. „Заситените и трансмасните киселини во пржената храна предизвикуваат воспаление, а рафинираните јаглехидрати дополнително го зголемуваат шеќерот, а со тоа и кортизолот“, вели нутриционистот.
Преработена храна
Слично на пржената храна, индустриски преработената храна содржи комбинација од нездрави масти и рафинирани јаглехидрати кои го зголемуваат кортизолот. Покрај тоа, може да ја наруши рамнотежата на цревната микробиота, што дополнително го оптоварува организмот.
Како да се одржат здрави нивоа на кортизол?
Иако социјалните медиуми нудат брзи решенија, нутриционистите предупредуваат дека нема чуда.
„Најдобриот начин за одржување на здрави нивоа на кортизол е ист како и за одржување на општото здравје – балансирана исхрана, редовно вежбање, квалитетен сон и техники за справување со стресот“, вели нутриционистката Саманта Диерас.
Манакер додава дека исхраната треба да биде богата со интегрални храни, посни протеини, здрави масти и растителни влакна, а воедно да се ограничи внесувањето кафе и алкохол.
„Регулирањето на кортизолот е сложен процес што зависи од бројни фактори. Високите нивоа може да укажуваат на посериозен здравствен проблем што бара стручна евалуација“, заклучи таа.