Ако сте еден од оние луѓе кои се тушираат само со топла вода, можеби треба двапати да размислите пред да се истуширате следниот пат.
Имено, докторот Макс Мадахали упатил предупредување до сите кои уживаат во топол туш, истакнувајќи дека температурата на водата може да предизвика голем број здравствени проблеми.
Прво, тој подетално ги објасни штетните ефекти од топлата вода врз кожата, а потоа се осврна и на други проблеми.
„Постојат некои природни масла на кожата кои ја одржуваат влажна, но топлата вода може целосно да ги измие, па затоа може да стане сува“, истакна тој.
Покрај тоа, екстремно високите температури на водата можат да предизвикаат ширење на крвните садови под кожата, што потенцијално може да доведе до црвенило и иритација.
Овој доктор исто така предупредува дека топлата вода може да ви ја оштети косата, а ако се туширате со топла вода предолго, тоа може да предизвика пад на крвниот притисок и несвестица. Конечно, туширањето со премногу топла вода може да го наруши вашиот имунолошки систем.
Поддржувајќи ги упатствата на д-р Мадахали, експертите од „Мира Шуерс“ препорачуваат туширање со млака или поладна вода за оптимално здравје на кожата.
„Топлата вода ја лишува кожата од нејзините природни масла, што може да доведе до сува и чешачка кожа, па затоа е најдобро да се држите до просечна температура при туширање помеѓу 37 и 38°C“, рекоа тие.
Тие наведуваат дека ако имате чувствителна кожа, подесувањата на прскањето на тушот, како и температурата, исто така можат да влијаат на вашето искуство при туширање. Исто како и со кожата, топлата вода може да ги отстрани есенцијалните масла од вашата коса, што доведува до сувост. За оние со фарбана коса, високите температури можат да го забрзаат бледнеењето на бојата во споредба со миењето во постудена вода.
Долгото туширање во премногу топла вода може да ја покачи телесната температура и да предизвика вртоглавица, па дури и топлотен удар. Слично на тоа, долгото туширање со ладна вода може да ја намали и телесната температура, што може да предизвика вртоглавица и да го забави дишењето. Клучот е да бидете свесни како се чувствувате за време на туширањето и да се обидете да одржувате умерена температура секогаш кога е можно.