Владан Шумаревиќ (53), познат како Шумар, кој во Чешка беше уапсен како организатор на криминална група што беше разбиена во акцијата на ОЈО за организиран криминал и СБПОК на 4 мај, е поранешен фудбалер, пишува српскиот портал Курир!
– Како фудбалер беше активен од 1997 до 2015 година, кога престана да игра – вели изворот, додавајќи дека Шумаревиќ со години живеел во Австрија.
Во акцијата со кодно име ,,Белведере”, како што беше најавено, освен Шумаревиќ, кој беше означен како водач на криминална група која беше на територијата на Србија од 27 септември минатата година до 4 мај, кога членовите беа уапсени за трговија со дрога и продавање, како што се сомневаат, 172 килограми амфетамини и 10.000 таблети екстази, уапсени се уште деветмина осомничени.
– Наредба за спроведување истрага е донесена против 11 осомничени и тоа: Владан Шумаревиќ, Игор Шќепановиќ, кој исто така е означен како организатор на криминална група, потоа Петар Делиќ, Мирослав Павловиќ, Славко Делиќ, Александар Госиќ, Младен Тодоровиќ, кој е во притвор во Босна и Херцеговина за сторено друго кривично дело, Милош Миловановиќ, Славко Јовановиќ, порано познат како Стеван Дулиќ, Захир Хоџиќ и Милица Ивановиќ – соопштија од ОЈО.
Тие се товарат за сторени кривични дела неовластено производство и пуштање во промет наркотични дроги и здружување заради сторени кривични дела.
– При претресот пронајдена е опрема и материи наменети за производство на наркотични дроги и околу 50.000 евра. На рочиштето на јавниот обвинител за организиран криминал, еден од организаторите Игор Шќепановиќ и еден од членовите Мирослав Павловиќ го признаа извршувањето на делото – велат од обвинителството.
На предлог на Јавниот обвинител за организиран криминал, судијата за претходна постапка на Специјалното одделение за организиран криминал на Вишиот суд во Белград им одреди притвор на сите осомничени.