Дејан Драгијевиќ од неодамна почна чудно да се однесува во притвор.
Дејан Драгијевиќ и Срѓан Јанковиќ, обвинети за убиството на малата Данка Илиќ, моментално се во притвор во Заечар.
Иако биле сместени во посебни ќелии за да се спречи меѓусебната комуникација, како што наведува изворот на истрагата, со текот на времето станувале сè позборливи.
Наводно, тие дури почнале да се шегуваат и да се смеат со останатите затвореници.
– Драгијевиќ призна дека го задавил девојчето, а Јанковиќ кој го управувал службениот автомобил „Водовода“ се бранел молчејќи. За да не можат да преговараат и да ја планираат одбраната, по апсењето биле сместени во различни ќелии. Отпрвин молчеа и не разговараа со никого, но како што одминуваше времето стануваа сè позборливи, дури почнаа да се шегуваат и да се смеат со другите затвореници. Се однесуваат како ништо да не се случило – рекол изворот од истрагата.
Но, како што дознава порталот „Република“, Дејан Драгијевиќ решил да открие каде го закопал телото на девојчето неговиот татко за да добие полесна казна за монструозниот чин.
– Дај ми полесна казна и ќе ти кажам каде татко ми го закопал телото на Данка! – им рекол на инспекторите.
СРЕДБА НА ТАТКО И СИН ВО ЗАТВОР
Екипата на порталот „Република“ дознала за случувањата „зад сцената“, при средбата на таткото и синот во притвор.
Имено, како што пренесува изворот на Републиката, кога Радослав минувал покрај синот, на влашки јазик рекол: „Ај тишина, ни збор, да не те слушнам!“
Се поставува прашањето, што сакал таткото да му каже на синот, но се уште останува мистерија додека полицијата не се огласи.
Да потсетиме, покрај таткото на Дејан, Радослав Драгијевиќ, уапсен е и неговиот брат Далибор Драгијевиќ, кој почина како последица на срцев удар.
Тие се осомничени дека го сокриле телото.