Александар Чеферин наскоро би можел да одобри нов план за пласман на СП 2026 година.
Поради зголемувањето на бројот на учесници на следното СП во 2026 година, кога на Мундијалите во САД, Канада и Мексико ќе учествуваат рекордни 48 репрезентации , се подготвува голема промена во европскиот фудбал . УЕФА е на прагот да направи промени во актуелниот модел во пресрет на новата рунда од квалификациите за СП, што секако ќе се одрази на репрезентацијата на Србија која се надева на трето последователно учество на завршниот турнир.
Според мадридскиот весник „Ас“, квалификациите дополнително ќе бидат „скратени“ бидејќи Европа наместо досегашните 13 ќе има 16 претставници, што значи дека не е потребно да се играат осум до десет натпревари во квалификациите.
Звучи малку необично, бидејќи знаеме дека УЕФА сака да го пополнува календарот до последно место поради ТВ правата, но овој пат размислувале со здрав разум и врз основа на споменатиот предлог, првенствено решиле да го намалат бројот на „досадни натпревари“. Доколку на крајот УЕФА го усвои овој план, во иднина ќе има 12 групи во квалификациите за Светското првенство и на тој начин секоја од нив би имала по четири или пет селекции , па би одиграле шест или осум натпревари.
Влогот на тој начин би бил поголем бидејќи не би требало ниту еден момент да се опуштат, а иако се уште не е објавено, претпоставката е дека директен пласман на Светското првенство ќе обезбедат само победниците од групите, додека останатите четири места би се „полнеле“ по плеј-офот. И тука Лигата на нациите повторно би можела да игра улога.
Интересно е што УЕФА планира да направи промени и во ова натпреварување, но не и драстични. „А“ дивизијата, која е и најатрактивна, би можела да се прошири така што на крајот во плеј-офот би влегле осум екипи, наместо досегашниот фајналфор.