Тројца мажи се обвинети дека опијаниле британската тинејџерка пред групно да ја силуваат во хотел во Магалуф, Шпанија, а наводно поканиле и странци во нивната соба на „бесплатен секс“, пишува Daily Mail.
Вкупно осум мажи се обвинети за силување на 18-годишна девојка, а шпанската полиција посочува дека осуммина од нив не се познавале пред нападот на девојката на 14. август.
Еден од мажите инволвирани во наводното силување ја познавал жртвата од видување, а тој останал во истиот хотел со неа по грозоморниот чин.
Тој се здружил со уште двајца осомничени кои виделе дека девојката е пијана во барот и решиле да и купат повеќе пијалоци со намера да ја онеспособат. Тројката наводно започнала со злоставувањето, а потоа поканиле непознати луѓе од ходникот да им се придружат и да уживаат во бесплатен секс, пренесуваат шпанските медиуми.
Девојката побегнала од хотелската соба околу 5 часот наутро и ѝ кажала на полицијата дека се разбудила опкружена со млади мажи кои држеле мобилни телефони. Девојката околу 5 часот наутро била пронајдена како лази на подот од обезбедувањето на хотелот, а обезбедувањето повикало полиција.
Од шестмината осомничени, пет се Французи, а еден е Швајцарец. Тие се во затвор во Палма, додека други двајца осомничени се уапсени во неделата во Франција и чекаат екстрадиција. Тие полетале од Шпанија до Германија, а потоа ја преминале границата на пат кон Стразбур.
Шпанската цивилна гарда побара помош од француските власти и издаде европски налози за апсење за да ги спречи осомничените да избегаат.
Полициските службеници прво ги идентификувале тројцата осомничени така што се јавиле на мобилниот телефон на девојката, кој бил украден при нападот. На човекот кој одговорил и на двајца негови пријатели им било кажано да се упатат кон рецепцијата на хотелот, не знаејќи дека ќе се сретнат со полицијата и жртвата.
Девојката им покажала на мажите: Ентони Г. (20 г.), Ентони А. (20 г.) и Калил А. (18 г.) и тие брзо биле уапсени.
Другите двајца Французи, Томас Е. (23 г.) и Ромен Ц. (26 г.) наводно биле уапсени подоцна во хотелот заедно со Швајцарецот Лукас Х. (20 г.).
Тие биле уапсени откако девојката ги опишала мажите во полиција, а во хотелот биле поставени разни уреди за надзор. Сите шестмина се приведени поради сомнение за силување и се приведени на островот Палма.
Во текот на викендот, излезе дека судијата кој одби кауција за шестмината и ги стави во затвор до крајот на истрагата, заклучи дека жртвата претрпела навистина понижувачки третман и дека тврдењата на обвинетите дека сексот бил консензуален се целосно бесмислени.
На снимката од мобилниот телефон наводно се гледа како тие се забавувале и се смееле за време на силувањето.
Шпанскиот весник Ultima Hora објави дека осомничените намерно го искористиле пијанството на жртвата за да ја убедат да биде придружувана во хотелска соба, а потоа ја опколиле и ја силувале и покрај нејзиниот очигледен недостаток на свест и волја.
Откако дала изјава во полиција и истражен судија, девојката наводно се вратила во Велика Британија со пријател со кој била на одмор.
Медицинските извештаи потврдиле дека девојчето има неколку модринки и траги од компресија на десната рака, што укажува на тоа дека била прицврстена, а имала и мала исеченица на горниот дел од градниот кош.
Полицијата веќе потврди дека на мобилните телефони на осомничените пронашла видеа од наводни повеќекратни силувања, кои сега се во рацете на истражниот суд и би можеле да бидат клучни докази.
BH Mallorca Resort, хотелот во кој се случи се, соопшти дека целосно соработува со полицијата.