– Руската армија за првпат успеа да влезе во украинскиот град Авдијивка, но беше потисната, изјави денеска градоначалникот Виталиј Барабаш.
„Диверзантските и извидничките групи влегоа во јужниот дел на Авдијивка, но беа потиснати“, изјави Барабаш.
Тој оцени дека ситуацијата е се уште „тешка, но под контрола“ и потврди дека Русите првпат влегле во тој клучен индустриски град во источниот регион Доњецк.
Руската армија неодамна ги засили нападите на тој дел од фронтот.