Lamborghini продолжува со своите успеси, а 2024 година беше најдобра во историјата на компанијата.
Lamborghini испорача рекордни 10.687 автомобили во 2024 година, што е зголемување од 6 отсто во споредба со претходниот рекорд поставен во 2023 година. Овој нов и досега најголем успех на брендот од Sant’Agata го сместува Lamborghini меѓу најдоминантните „играчи“ во светот на луксузните автомобили.
Сржта на успехот е глобалниот раст на клучните пазари на Lamborghini. Регионот ЕМЕА, кој се состои од Европа, Блискиот Исток и Африка, ја предводеше продажбата со испорачани 4.227 автомобили, што претставува зголемување од 6 проценти. Минатата година на американско тло завршиле 3.712 автомобили, или 7 отсто повеќе од една година претходно, додека Азиско-пацифичкиот регион (APAC), вклучително и Кина, придонесе со 2.748 автомобили и раст од 3 отсто.
Lamborghini не ги откри точните бројки за секој модел, но може слободно да се каже дека Urus ја задржа својата позиција како најпродаван модел на Lamborghini. Најновата верзија на теренецот е plug-in хибридниот Urus SE, кој служи како замена за верзиите S и Performante.
Од компанијата велат дека електрифицираниот Urus предизвика позитивен одзив на глобално ниво, а нарачките се полни до 2026 година.
Во Lamborghini не го заборавија заминувањето Huracan, кој одигра важна улога во успехот во текот на 2024 година, иако е надолу. Baby Lambo останува во производство, а испораките на моделите Sterrato, EVO Spyder, Tecnica STO и STJ продолжуваат во 2025 година. Подоцна оваа година Huracan со V10 мотор ќе добие електрифициран наследник, моделот Temerario, кој ќе биде придвижуван од значително помоќен plug-in хибриден V8 мотор.
Lamborghini што забележа најголем раст во 2024 година е Revuelto. Водечкиот суперавтомобил со plug-in хибриден V12 мотор има список на нарачки што доаѓа до крајот на 2026 година.
Компанијата минува низ преоден период, а во последните 18 месеци лансираше три нови модели. По пензионирањето на Huracan, марката ќе стане првиот „производител на суперспортски автомобили“ со исклучиво plug-in хибридна понуда, дел од стратегијата на Direzione Cor Tauri.
Lamborghini има 186 застапници ширум светот на 56 меѓународни пазари.