Рано утрово во ПУ Бор, откако му се слошило, починал Д.Д.(40), братот на Дејан Д, осомничениот за убиството на Данка Илиќ (2).
„Д.Д. му се слошило во раните утрински часови и покрај навремената реакција на полициските службеници и лекарите од Здравствениот дом во Бор кои се обиделе да го реанимираат, тој починал во 3 часот и 10 минути, а лекарот судска медицина констатирал природна смрт“, соопшти полицијата и соопшти дека обдукцијата ќе се изврши во Институтот за судска медицина во Белград.
Да потсетиме, во петокот на Д.Д. му е одреден притвор до 48 часа, поради сомнение дека му помогнал на својот брат Дејан заедно со неговиот татко Р.Д.(73) да го пренесат телото на девојчето од депонијата во околината на Бањско поле на засега непозната локација.
Д.Д и неговиот татко денеска требаше да бидат сослушани во Обвинителството, пред да му биде изречена мерката притвор.
Да потсетиме, нешто по 12 часот пред куќата на осомничениот Дејан Д. во Злот, каде останала само неговата мајка, пристигнала екипа на Брза помош и инспектори. Иако првите информации беа дека итната помош пристигнала затоа што на жената и се слошило, се верува дека лекарските екипи биле дежурни во моментот кога во текот на утрото ја известиле дека нејзиниот помал син починал.
Во меѓувреме Брзата помош излегла од куќата на осомничениот, а не се знае во каква состојба е мајката.
Да потсетиме дека на Дејан претходно му било одреден притвор до 30 дена, додека на неговиот татко и до 48 часа.