Министерството за внатрешни работи соопштува дека вчера во близина на селата Богородица и Стојаково биле спречени два обиди за шверц на имигранти.
Две лица се приведени, осомничени за организирање на транспорт на 24 мигранти. Во двата случаи се фатени 22 мигранти од Египет и двајца од Сирија.
„Мигрантите се однесени во Транзитниот прифатен центар „Винојуг“ во Гевгелија и со нив е извршен службен разговор, при што тие изјавиле дека групата ја предводел А.А. (26), со асистенција на И.К. (22), двајцата од Сирија. Околу 20:00 часот, двајцата осомничени се приведени“, соопшти МВР.