Лидерот на СДСМ Венко Филипче по средбата со премиерот Христијан Мицкоски изјави дека денешната средба била конструктивна на која се разговарало за повеќе различни теми поврзани со иднината на државата.
„Ги пренесов барањата на граѓаните за неколку области кои се многу суштински за подобрување на квалитетот на животот. Ќе работиме на формирање заеднички групи и тела во спроведувањето на реформите во областа на правдата, енергетиката и стратешките движења и неколку проекти во здравството“, рече Филипче.
Тој рече дека не закажале други средби, но прво ќе предложиме некои експерти од областа на енергетиката и правдата.
Филипче рече дека разговарале и за уставни измени, но, како што рече, со премиерот имаме различни мислења на оваа тема.
Тој рече дека оваа средба не е етничка коалиција или дека има таква нота, но по барањето што го поставив за реформи, ниту една партија не изрази подготвеност веднаш да седне на маса.