Владата на Финска одлучи целосно да ги затвори сите копнени гранични премини со Русија од 30. ноември до 13. декември, објави денес премиерот Петери Орпо.
Според него, Хелсинки смета дека краткорочното и целосно затворање на граничните премини ќе биде ефикасно решение за проблемот со приливот на мигранти од руска територија во Финска.
„Целта е што поскоро да се нормализира ситуацијата на границата со Русија“, изјавил тој, пренесуваат странските медиуми.
На 18. ноември, Финска затвори четири гранични премини во југоисточна Финска до 18. февруари, наведувајќи го наводниот масовен влез на мигранти од трети земји кои бараат азил во Финска на финската граница организирана од Русија.
На 22. ноември, финската Влада одлучи да затвори уште три контролни пунктови до 23. декември, оставајќи го отворен само најсеверниот, Раја-Јосепи.