Финскиот парламент денес гласаше за повлекување на земјата од Конвенцијата од Отава, со која се забранува употребата на противпешадиски мини, поради страв од воена закана од соседна Русија.
Финска им се придружи на другите членки на Европската унија и НАТО кои граничат со Русија, Литванија, Латвија, Естонија и Полска, кои го напуштија или планираат да го напуштат договорот, објави Ројтерс.
Претседателот Александар Стаб , кој ја предводи надворешната и безбедносна политика на Финска, го бранеше потегот, истакнувајќи ја опасноста што ја претставува Русија.
„Реалноста на крајот е дека како соседна земја имаме агресивна, империјалистичка држава наречена Русија, која самата не е членка на Отавскиот договор и која самата безмилосно користи мини“, рече тој.
Русија претходно користеше мини во војната во Украина, поради што парламентите на Естонија, Латвија и Литванија веќе го одобрија повлекувањето од Конвенцијата од Отава.