Рускиот пилот кој пребегнал на украинската страна и ѝ предал хеликоптер Mi-8 на украинската Армија ќе добие награда од половина милион долари, соопшти во вторникот украински функционер.
Портпаролот на украинското воено разузнавање, Андриј Јусов, во вторникот на телевизија изјави дека парите ќе бидат исплатени во украинската валута гривна. Тој ги повика другите членови на руската Армија да го следат примерот на дезертерот.
Украинските медиуми со денови пишуваат за пребегнувањето на 28-годишниот Русин, Максим Кузминов.
Украина има официјална листа на награди за воена опрема предадена од руски војници. За тенк, на пример, можат да добијат 100.000 долари. Од друга страна, во Русија се плаќаат бонуси за авиони, тенкови и друго оружје.
„Украина е демократска држава под владеење на правото. Ние ги исполнуваме нашите сопствени обврски и од меѓународното право“, вели Андриј Јусов.
„Затоа, повторувам уште еднаш, оние Руси кои не сакаат да станат воени злосторници, ве молиме да се предадат, да преминете на украинската страна и да ја браните сопствената чест и совест, борете се против режимот на рускиот претседател Владимир Путин“, додава тој.
Тајната служба го убедила младиот човек да премине на украинската страна како дел од специјална, долга операција.
Според информациите на украинските медиуми, хеликоптерот слетал во областа Харков на истокот на Украина. Двајца членови на екипажот загинале. Пилотот е во Украина со своето семејство, кое претходно побегнало од Русија.
Во земјата се наоѓа и хеликоптер, за кој се вели дека носи резервни делови за руските борбени авиони.
Украина се брани од руската инвазија повеќе од 18 месеци со воена помош на Западот.