Бјанка Ценсори (28 г.) продолжува со необични модни комбинации. Таа овој пат прошета во Мајами во проѕирна облека во друштво на нејзиниот сопруг Канје Вест. Таа била облечена во боди прилепено до кожата кое го искомбинирала со проѕирни потпетици. Таа го продолжи трендот на модни додатоци што го започна во Дубаи, па повторно гушна плишана играчка, овој пат поларна мечка, а на главата носеше крзнена капа.
Иако двојката била интересно облечена, очевидците велат дека имале мирен влез во придружба на обезбедување. Според TMZ, парот не изгледал како да комуницира со никого на настанот, па дури ни еден со друг. Претходно тоа утро, Канје Вест дојде во популарниот ноќен клуб „Е11“ во Мајами со бела марама околу лицето, во чорапи без чевли, пишува Page Six.
„Влезе во ВИП влезот околу 02:30 часот наутро и се чинеше дека никој не го забележа“, изјавил извор за магазинот.
Тој и неговата придружба наводно биле придружувани до задната маса во делот за ВИП каде седеле 45 минути. Изворот дознал дека Канје Вест рекол дека Бјанка Ценсори „му дала одредено време да биде надвор од теренот“.
За потсетување, Бјанка Ценсори беше вработена како главен архитект за Yeezy. Таа се омажи за раперот минатиот декември, само неколку недели откако беше финализиран неговиот развод со Ким Кардашијан.