Белоруските државни медиуми објавија фотографија од претседателот Александар Лукашенко, за кој последните денови се шпекулира дека е тешко болен. Се вели дека фотографијата е направена во воен команден центар, а изгледа дека левата рака на белорускиот „диктатор“ е завиткана во завој или нешто слично, пишува Sky News.
Ако фотографијата е автентична, тоа е прво јавно појавување на 68-годишниот Александар Лукашенко по речиси една недела.
Профил на социјалната мрежа Телеграм со име „Pul Pervovo“, државен медиум кој известува за активностите на Александар Лукашенко, вели дека претседателот е во централната командна база на воздухопловните сили.
„Александар Лукашенко е болен. Нема Ковид-19, само е уморен. Треба да се одмори. На човекот едноставно му се слошило“, изјавил за рускиот веб-портал Podjom претставникот на парламентот и заменик-претседател на Парламентарната комисија за постсоветски држави Константин Затулин, цитиран од повеќето руски медиуми. Константин Затулин дури кажал дека знае „од што боледува Александар Лукашенко“, но не навлегува во дијагнозата, а портпаролот на Владимир Путин, Дмитриј Песков додаде дека – „грдо е да се шпекулира и да се зборува за нечие здравје“.
Сепак, веќе речиси една недела се шпекулира што се случило со Александар Лукашенко и дали е навистина болен. Имено, тој се нема појавено во јавноста од 9. мај кога беше во Москва на парадата на Владимир Путин по повод „Денот на победата“ во Втората светска војна. Тој ја пропушти и церемонијата по тој повод во Минск, а потоа не се појави и на 14. мај на „Денот на знамето, грбот и химната“, кога традиционално му се обраќа на народот. Белоруските независни медиуми објавија дека на 13. мај, белорускиот самопрогласен претседател (ЕУ не ја признава неговата победа на изборите во 2020 година) бил донесен во елитната претседателска државна клиника, а во Минск биле блокирани приодите до клиниката и била зголемена безбедноста на главните државни институции. Забележливо е и дека на улиците има повеќе полиција.
Александар Лукашенко има 68 години, а пред неколку години се шпекулираше дека имал мозочен удар, што беше демантирано. За време на пандемијата, тој наводно бил заразен два пати, но без никакви последици. Во секој случај, нешто се случува со Александар Лукашенко, а за тоа пишуваат и угледните руски весници кои велат дека Александар Лукашенко изгледал „изнемоштено“ и „многу лошо“ во Москва и дека на парадата морале да го возат со „електричен скутер“ бидејќи не можел да „шета“ ниту дури 300 метри од автомобилот до трибината.
Забележано е дека има завој на раката како што велат дека се става по инфузија. „Изгледаше болен. Ми беше жал за тој постар човек, кој сепак во таква состојба полета за Москва на парадата“, напиша Андреј Колесников, руски новинар кој го следи рускиот претседател Владимир Путин.
Тој дури изјави дека „веднаш под парадата“ е лоцирана брза помош „со инструменти за реанимација“. Александар Лукашенко седеше низ целата парада речиси неподвижен, а потоа веднаш полета за Минск, пропуштајќи ја заедничката вечера со Владимир Путин и другите гости кои дојдоа на контроверзната парада среде руската агресија врз Украина.
Што ќе се случи со Александар Лукашенко, останува да видиме, бидејќи режимот е многу тврдоглав за неговото здравје, но секако ќе биде интересно затоа што режимот и онака го држи со руска поддршка. Веднаш, по повод „хоспитализацијата на Александар Лукашенко“, Светлана Тихановска, претседателката на Белорусија во егзил, се огласи и кажа дека во случај на „заминување на Александар Лукашенко“, „доаѓањето на друг диктатор или нова руска марионета“ не треба да биде дозволено.