Шејнис Паласиос (23 г.) не можеше да ги задржи солзите кога го прочитаа нејзиното име и беше прогласена за најубава жена на светот! Победничката на „МИС Универзум“ е од Никарагва и воедно е првата од Никарагва што победила на светско ниво на изборот. Круната на оваа убавица и ја врачи минатогодишната победничка, Американката Р’Бони Габриел.
За време на натпреварот, Шејнис Паласиос имала нешто повеќе од 600 илјади следбеници на социјалната мрежа Инстаграм, а сега бројот на нејзините следбеници е двојно зголемен. За само два дена таа доби повеќе од половина милион следбеници и сега има вкупно 1,2 милиони следбеници.
Мисица пораснала во главниот град на Никарагва и веќе е главна на овие избори. Учествувала и победила на натпреварите за мис тинејџерски Никарагва 2016 и мис Никарагва 2020. Потоа, една година подоцна, се пласирала меѓу најдобрите 40 на светскиот натпревар.
Таа е студентка по односи со јавност и дигитална комуникација, а по завршувањето на сите обврски како мисица следната година планира да магистрира. Покрај тоа, таа е член на универзитетскиот одбојкарски тим на универзитетот.
Во својот победнички говор, таа се заблагодари на организацијата и на сите натпреварувачки кои дојдоа од 83 земји низ светот. Таа нагласи колку е важна еднаква плата кога жените и мажите работат иста работа, додавајќи дека се ближиме до време кога веќе нема граници за жените. Таа ги истакна благодарноста и понизноста како нејзини две најдобри особини.
Годинешниот натпревар за „МИС Универзум“ се одржа во Ел Салвадор.