Клиф Литл од Северен Квинсленд (Австралија) станал мултимилионер преку ноќ во 2019 година со освојување на наградата „Lotto“. Едно утро додека ги извршувал своите вообичаени обврски и го живеел својот нормален живот, додека следното утро веќе на сметка имал 40 милиони долари.
Во интервју за австралиската телевизија 9 News тој опишува како се чувствувал кога ја освоил таа голема сума на пари.
„Не можев да спијам. Не можев да заспијам. Постојано го проверував билетот пред да си легнам“, рекол среќникот.
Веднаш по паричната добивка ја напуштил работата и се пензионирал. Немал причина да чека, па веднаш ја исполнил својата прва желба. Тој купил спортски автомобил Toyota Supra, недвижен имот за своите деца, а дел од парите ги вложил во тркачки коњи.
„Луѓето можат да кажат што сакаат и да зборуваат дека парите не се важни, но парите се одлична работа. Тоа секако не е најважната работа на светот, но решава многу проблеми“, тврди овој човек.
Во меѓувреме, тој го зголеми своето богатство инвестирајќи во тркачки коњи. Луѓето кои работат со неговите коњи велат дека никогаш не го виделе, но се задоволни од тоа како ги плаќа.
„Фантастично е кога вашите соништа се остварат“, изјавил добитникот за 9 News кога го прашале како се чувствува што не ги потрошил парите што ги добил, туку наместо тоа инвестирал и ги зголемил.