Актерот Чак Норис, кој, инаку, има 83 години и за кој на шега велат дека ја изградил болницата во која е роден, отворено проговори за своето семејство.
„Мајка ми, Вилма Норис Најт, е родена во 1921 година во руралниот Вилсон, Оклахома, каде што пораснав. Тоа беше мал град со 1.800 жители. Мојата мајка многу се мачеше кога беше млада. Таа порасна во тешка сиромаштија, две години се лекуваше од ретка болест и живееше во болница далеку од нејзиното семејство“, открил Чак Норис за Christianity Daily.
Вилма Норис Најт ја преживеала смртта на нејзините двајца сопрузи, нејзините посинови, двајцата внуци и нејзиниот син, помладиот брат на Чак Норис, Виланд. Во текот на животот боледувала и од рак и имала преку 30 операции. Но, таа е сè уште жива и се уште се бори.
„Мајка ми се молеше за мене цел живот, и покрај сите проблеми. Кога се родив, за малку ќе умрел од компликации при породување. Кога пред десет години за малку ќе ја изгубев душата од Холивуд, таа се молеше за мое спасение. Таа дури се молеше да најдам жена која ќе ми го промени животот и успеа. Таква е мојата мајка“, искрено изјавил Чак Норис.
Инаку, во 1958 година, Чак Норис се оженил со Дајан Холичек, која ги родила неговите синови Мајк и Ерик. Тој ја има и ќерката Дина од вонбрачна врска, а втората сопруга Џина О’Кели, 23 години помлада, роди близнаци, момче Дакота Ален и девојче Даниел Кели.