Светскиот тенисер број еден, Новак Ѓоковиќ, на социјалната мрежа Инстаграм сподели утринска навика која тој и неговото семејство никогаш не ја пропуштаат.
„Добро утро на сите. Вака го започнувам денот“, се вели во описот на фотографијата на Новак Ѓоковиќ.
„Прво земам топла минерална вода со лимон и лимета. Потоа ѕиркам во мојот омилен дел од фрижидерот, каде што чувам зелени стебленца целер. Ги ставам во соковник на ладно цедење, за да добијам сок од целер“, открива Новак Ѓоковиќ.
Според него, најдобриот начин да го започнете денот е да го пиете овој сок на празен стомак.
„Овој сок е полн со минерали, соли и други неоткриени елементи кои го чистат вашиот црн дроб. Тоа прави чуда, и за мене и за мојата сопруга и за нашите деца“, тврди тенисерот.
Овој зелен пијалок има многу придобивки, па нема што да изгубите ако го пробате.