Не е невообичаено карикатура која погодува критична точка во општеството да ја испровоцира јавноста. Често се слуша дека на јавниот простор денес прилично недостасуваат карикатури.
Во Србија се води нова полемика околу карикатурата, околу насловната страница на дневниот весник Danas, на која Јелена Карлеуша го дои српскиот претседател Александар Вучиќ, со образложение дека тоа ја покажува меѓузависната врска меѓу власта и естрадните ѕвезди.
Не требаше многу време за реакција. Милош Вучевиќ, министерот за одбрана, кажа дека оваа карикатура „промовира омраза“ и дека „ги навредува мајките и жените“.
Според Danas.rs: „На претставниците на властите на СНС не им пречело тоа што новиот проект на пејачката Јелена Карлеуша е финансиран со вкупно милион и пол евра со пари на граѓаните, преку државниот Телеком па скоро никој овие денови не ни објави дека ја демантира веста или пак, образложи што се случило“.
Карикатурата е дело на Предраг Коракшиќ Коракс. Тој е еден од најпознатите карикатуристи од овие простори, а работел и за весникот The New York Times.
Предраг Коракшиќ Коракс е еден од најпознатите политички карикатуристи од овие простори, своевремено работел за угледниот весник New York Times. Неговиот татко партизан бил убиен од четници за време на Втората светска војна, кога тој имал само осум години, а Предраг Коракшиќ Коракс поминал четири години во егзил.
По војната, Предраг Коракшиќ Коракс дипломирал на Земун и студирал архитектура во Белград. Во 1950 година почнал професионално да се занимава со карикатура.