Не така одамна, фудбалските ѕвезди можеа да уживаат во голема приватност, а најголемата „опасност“ за нив беа „папараците“.
Со влегувањето во дигиталната ера, начинот на живот е целосно променет, па стана најнормална работа познатите фудбалери да споделуваат дел од својата интимност со „обичната“ толпа на една од популарните социјални мрежи.
Еден од играчите кои добија уште неколку слободни денови за време на репрезентативната пауза е Марк Кукурела, дефанзивецот на Челзи кој пристигна од Брајтон во летото 2022 година за обештетување од 65 милиони евра.
Марк Кукурела има само еден настап за сениорската репрезентација на Шпанија, а бидејќи овојпат не беше повикан, викендот го искористи за гостување во Париз.
Нема сомнеж дека Марк Кукурела и неговата девојка уживаа во шармот на француската престолнина. Меѓу другите знаменитости на „градот на светлината“, тие го посетија и познатиот музеј „Лувр“, пред кој направија селфи.
Фотографијата објавена од Марк Кукурела во најмала рака се граничи со добриот вкус, како што можете да видите и самите со ОВДЕ.
Потценување е да се каже дека некои од неговите следбеници не доживеале баш најдобро ваква глетка.
„Што е ова, мил Господе“, е еден од коментарите на не многу ентузијастичките обожаватели на ликот и делото на Марк Кукурела.