Работник во супермаркет објавил застрашувачка фотографија од тоа што изгледа како пајак со 21 нога на парче лист од зелка.
Страшната сцена е снимена во супермаркет во Источен Сасекс, Англија. Еден од работниците потоа ја објавил фотографијата на група на социјална мрежа посветена на инсектите и побарал помош од експерти за идентификација.
„Работам во супермаркет и колешка ми испрати фотографија! Што е ова ? Дали е воопшто бубачка или нешто друго ? Видовме некои одвратни работи, но ова е врвот“, напишал работникот во објавата на социјалните мрежи.
Објавата предизвика илјадници коментари, некои се шегувале, но имало и многу луѓе кои биле исплашени.
На крајот се покажало дека не е ниту бубачка, ниту пајак, туку дека на листот од салатата имало остатоци од растенија.
„Тоа е дел од цвет од глуварче. Тоа е дел од држачот за цвет и семиња“, објаснил еден експерт.
Потоа, работникот се заблагодарил за помошта.
„Им благодарам на сите што помогнаа и на оние што ме насмеаа! Јас и мојот тим сега можеме да продолжиме да работиме“, напишал работникот.