Во англиската Премиер лига, како и во повеќето европски фудбалски лиги, настапуваат фудбалери од целиот свет, а спортските коментатори, како и голем број навивачи, честопати погрешно ги изговараат нивните имиња.
Поради оваа причина, пред почетокот на новата сезона, Ливерпул, актуелниот шампион на Англија, помогна во решавањето на дилемите околу нивните имиња.
Бројни фудбалери им притрчаа на помош на навивачите и коментаторите и правилно ги изговараа своите имиња и презимиња.
Еден од нив е фудбалерот на Ливерпул, Рајан Гравенберх, како што го изговараат повеќето коментатори. Сепак, холандскиот интернационалец од афро-суринамско потекло го изговара своето име и презиме како Раџан Храфенберг.