– Хамас ја презеде одговорноста за вооружениот напад што се случи утринава во Западен Ал-Кудс (Западен Ерусалим), во кој загинаа тројца Израелци, а тројца беа тешко ранети.
Хамас на својот профил на Телеграм објави дека вооружениот напад во Западен Ал-Кудс го извршиле Мурад Немр (30) и Ибрахим Немр (38) од Сувар Бахир во окупираниот Источен Ал-Кудс.
Наведено е дека станува збор за напад што е „одговор на масакрите извршени од Израел во блокираниот Појас Газа, децата што ги уби во Џенин, прекршувањата врз палестинските затвореници и нападите врз џамијата Ал Акса“.
Во вестите на израелската државна телевизија КАН беше наведено дека Мурад, за кој се вели дека е член на Хамас, бил приведен во 2010 и 2020 година, а Ибрахим во 2014 година.
Портпаролот на израелската полиција соопшти дека е извршен вооружен напад врз Израелците на влезот во Западен Ал-Кудс.
Израелската полиција соопшти дека се неутрализирани двајцата осомничени за нападот.
Тие додаваат дека во нападот загинале тројца Израелци, а 13 се повредени, од кои тројца се во тешка здравствена состојба.