Најмалку пет патници на летот на „Јунајтед ерлајнс“ за Хјустон се повредени синоќа кога авионот наишол на силни турбуленции што го принудиле да слета неочекувано, објави денеска „Њујорк пост“.
Авионот , во кој се превезувале 29 патници и тројца членови на екипажот, полетал од Спрингфилд, Мисури, но бил пренасочен кон регионалниот аеродром Вако поради турбуленции , изјави координаторот на Канцеларијата за управување со вонредни состојби во округот Мекленан, Рајан Диркер.
#BREAKING NEWS: A plane leaving Springfield heading to Houston, Texas had to make an emergency landing in Waco after hitting major turbulence. https://t.co/BEMOOH69ny
— KY3 News (@kytv) March 3, 2025
Петмина повредени патници се пренесени во блиската болница со повреди кои не се опасни по живот.
Скај Вест, кој го реализираше летот, соопшти дека авионот безбедно слетал откако навлегол во турбуленции.