Ако сте влегле во перименопауза или менопауза и забележите дека пределот на вашиот стомак станува сè поголем, можеби ќе сакате да престанете да консумирате одредени видови храна и пијалоци. Тоа го изјавија диететичарите за порталот „Парад“, кои сметаат дека честото консумирање на одредени пијалоци и намирници може да предизвика сало на стомакот.
Појавата на сало во пределот околу стомакот не е само естетски проблем, туку може да има и долгорочно негативно влијание врз здравјето.
„Зголеменото сало на стомакот значи поголем ризик од метаболички состојби како што се дијабетес, замастен црн дроб, висок крвен притисок и висок холестерол“, истакнува диететичарката Кристина Хартман.
Што предизвикува сало на стомакот по менопаузата?
Иако некои би можеле да претпостават дека најголемиот виновник за салото на стомакот е прејадувањето, треба да се земат предвид и хормоните. Диететичарот Рене Фичек објаснува дека “хормоналните промени, особено падот на естрогенот, играат клучна улога во пренасочувањето на маснотиите кон стомакот. Естрогенот го поддржува складирањето на маснотиите околу колковите и бутовите, но со пониски нивоа, мастите почнуваат да се акумулираат на абдоменот .
Покрај тоа, менопаузата може да го забави метаболизмот, што исто така го зголемува ризикот од таложење на вишок маснотии во различни области, како што е стомакот.
Која храна и пијалоци треба да ги избегнувате или помалку да ги консумирате?
За да се избегнат проблеми со салото на стомакот, неопходно е да се консумира храна која е богата со растворливи влакна (како јачмен), витамин К (како кељ), фолати (како спанаќ), омега-3 масни киселини (како на пр. ореви и лосос) и антиоксиданси (како боровинки и јаболка). За разлика од овие намирници кои треба да ги јадете, истакнати се и примери на храна и пијалоци кои се препорачува да се избегнуваат.
Алкохол: „Редовното консумирање алкохол може да го зголеми ризикот од таложење маснотии околу средината на телото. Алкохолот додава дополнителни калории, што го отежнува слабеењето“, објаснува диететичарот Мишел Рутенштајн. Покрај тоа, алкохолот може да влијае на спиењето, што доведува до нарушување на апетитот и хормоните на ситост.
Храна богата со шеќер: Храната богата со шеќер, како што се слатките, може да има негативни ефекти врз салото на стомакот, особено по менопаузата.
,,Оваа храна е богата со рафиниран шеќер и малку хранливи материи“, вели Фичек, додавајќи: „Честата консумација може да ја влоши отпорноста на инсулин, која е тесно поврзана со акумулацијата на маснотии во стомакот“.
Пржена храна: Помфрит и друга пржена храна се калорични. Храната го впива маслото во кое се пржи, што додава калориска густина. Вишокот калории може да доведе до таложење маснотии, пренесува Parade.
Високо преработено месо: Преработеното месо како сланина и колбаси може да биде вкусно, но тие често се богати со заситени масти и конзерванси. Прекумерното консумирање на овие супстанции е поврзано со поголем ризик од кардиоваскуларни заболувања.
Масни млечни производи: Млечните производи со висока содржина на заситени масти може да придонесат за зголемување на маснотиите на стомакот за време на менопаузата доколку често се консумираат.
Грицки: Чипсот и грицките лесно се прејадуваат бидејќи се создадени да создаваат зависност, зголемувајќи го ризикот од прејадување.
Печива: Печива, крофни и друга слична храна содржат многу шеќер и рафинирани масти, кои можат да го забрзаат порастот на шеќерот во крвта и нивото на инсулин, што ја зголемува можноста за складирање маснотии, пренесува Parade.