Црногорскиот ракометен репрезентативец Владан Липовина се истакна на социјалната мрежа Фејсбук каде навредливо го коментираше натпреварот меѓу Новак Ѓоковиќ и Холгер Руне на Вимблдон, навредувајќи го најдобриот тенисер на сите времиња.
Во еден од коментарите напиша многу погрдни зборови за Новак, па во морето позитивни реакции лесно може да се издвои неговиот негативен.
– Страшен киксер! Комплет лигава фамилија… – напиша Липовина.
Овој ракометар моментално настапува за Кадсија во Кувајт, а долги години беше едно од најзначајните имиња во црногорскиот спорт.
Игра за многу германски клубови, но и за балкански, меѓу кои и Металург од Скопје и Ловќен од родното Цетиње.
Новак го совлада Руне во три сета и се пласираше во четвртфиналето на Вимблдон, а овој меч ќе остане запаметен по обидот на публиката да го испровоцира српскиот ас, на што тој одговори во победничкиот говор.