Состојбата на кризата со пожари на отворени простори кои зафатија повеќе делови од државата ќе биде разгледана на седницата на Управниот комитет за координација и управување со системот за управување со кризи што ќе се одржи утре претпладне во Центарот за управување со кризи.
ЦУК соопштува дека со седницата ќе претседава министерот за внатрешни работи Панче Тошковски, а ќе учествуваат членовите на Комисијата: Александар Николоски – вицепремиер и министер за транспорт и врски, Тимчо Муцунски – министер за надворешни работи и надворешна трговија, Владо Мисајловски – министер за одбрана и Арбен Таравари – министер за здравство, како и лидерот на Групата за проценка на ризик – Стојанче Ангелов.
На седницата ќе присуствуваат и Цветан Трипуновски, министер за земјоделство, шумарство и водостопанство и Здравко Трајанов, директор на Македонски шуми.