Четиримесечно бебе од струшко без знаци на живот синоќа околу 23 часот било донесено во Општата болница во Струга, соопшти денеска СВР Охрид. По наредба на јавен обвинител ќе биде извршена обдукција за да се утврдат причините за настапување на смртта.
– На Детското одделение во Општата болница во Струга од родителите било донесено четиримесечно машко бебе од струшко село без знаци на живот. Според пријавеното, тие претходно повикале екипа од Итната медицинска помош – Струга, кои во семејниот дом извршиле реанимација, по што бебето го пренеле во болницата, каде била констатирана смрт, изјави портпаролот на СВР Охрид Стефан Димоски.