Со новата година се сеќаваме на желбите кои не успеавме да ги оствариме во претходната година. Еден од најчестите грижи е онаа за изгледот. Сите оние кои сакаат да ослабат се водат по познатата фраза – од први јануари…
Сузи Бурел, авторка на т.н. план за ресетирање од 30 дена, се колне во четири правила за губење на тежината. За што станува збор ? Ограничете ги слатките на по една дневно, избегнувајте пржена храна, воздржете се од алкохол до четврток и дозволете си само едно кафе со млеко дневно.
„Кога ги следите правилата, како што се да не пиете алкохол во работните денови, мозокот не е под дополнителен притисок да мора да донесе друга одлука, но имате стандарден сет на упатства кои ја одржуваат вашата исхрана на вистинскиот пат“, објасни таа.
1. ) Слатки
Кога станува збор за ограничување на слатките, таа советува да не се откажувате трајно од нив. Наместо тоа, ограничете го уживањето во нив на одредени периоди од денот и консумирајте ги дури тогаш. Општо е познато дека премногу шеќер го зголемува ризикот од развој на дебелина, кардиоваскуларни болести, дијабетес тип 2, стоматолошки заболувања, акни, висок крвен притисок и хронично воспаление.
2.) Пржена храна
Во широк лак треба да се заобиколат пржените компири, прженото месо или што било друго што е подготвено во длабоко масло на висока температура. Многу масти, сол и калории на едно место.
3.) Алкохол
Алкохолот содржи седум калории по грам, а уште повеќе може да се најде во коктелите. Сепак, таа препорачува чаша вино по вечерата. Ако испиеме една чаша вино, ќе внесеме нешто помалку од четири грама јаглени хидрати, вклучително и еден грам шеќер.
4.) Кафе
Ако не можете да одолеете на кафето, барем ограничете го на едно дневно. Со пиење кафе со млеко можете да внесете помеѓу 60 и 100 калории.