Започнувањето на денот со појадок богат со протеини е еден од најдобрите начини да имате енергија во текот на денот. Комбинирањето на хранливи намирници кои добро делуваат на организмот, како овошје, зеленчук, овес, семки и слично, освен енергијата има и други придобивки.
Протеинот е важен за консумирање бидејќи е од клучно значење за одржување на различни телесни функции, вклучувајќи поправка на мускулите, метаболизам и промовирање на ситост. Подолу истакнуваме неколку добри опции за високопротеински појадок кои можете да ги подготвите на едноставен начин.
Омлет со зеленчук
Јајцата се омилен појадок на многу луѓе, а може да се подготват на различни начини, вклучително и како омлет со зеленчук. Подгответе протеински омлет со комбинирање на јајца со вашиот омилен зеленчук, како што се спанаќ, домати и пиперки. За да обезбедите уште подобар вкус и да ја зголемите содржината на протеини, можете да додадете сирење.
Пудинг од чиа семе
Чиа семињата се познати по нивните придобивки за губење на тежината, но тие исто така можат да го подобрат здравјето на срцето и да ги зајакнат коските, пренесува Health Shots. За да подготвите пудинг од чиа семе, измешајте одредена количина семки со млеко и оставете преку ноќ да се формира кремаст пудинг. За да се осигурате дека пудингот е вкусен, додадете бобинки и/или јаткасти плодови. Одредете ги пропорциите според вашите сопствени желби.
Тост со авокадо и јајце
Авокадото и јајцата се одлични опции за појадок, особено кога се комбинираат со тост. Можете да го исечете или здробете авокадото и да ги подготвите јајцата на кој било начин што сакате. Овој појадок е богат со здрави масти, витамини и влакна и е една од најдобрите опции за појадок на листата, пренесува Health Shots.
Смути со бадеми и какао
Смути се уште една популарна опција за појадок и може да се подготви на различни начини. За оние кои не сакаат целосно зелени смути, можат да ја пробаат комбинацијата од бадеми и какао. За ова смути ќе ви треба бадемово млеко, какао во прав, топка протеин во прав и грст спанаќ. Од овие состојки можете да подготвите смути во зависност од вашите преференци, а богат е со протеини и антиоксиданси.