Шефот на Рускиот фонд за директни инвестиции и член на руската делегација на самитот во Алјаска , Кирил Дмитриев, по средбата меѓу Путин и Трамп објави интересна порака.
Еден ден пред самитот, Дмитриев сподели видео снимено во близина на базата во Алјаска, на кое се гледа како наидува на мечка на еден од патиштата. Тој ја означи средбата со животното како можен добар знак пред важен состанок.
Еден ден по средбата со американската делегација, Дмитриев повторно проговори со видеото и рече: „Мечката беше навистина добар знак“.
Покрај интересните детали од теренот, Дмитриев го оцени самитот како исклучително продуктивен.
– Самитот беше продуктивен. Американската страна ја сослуша руската страна. Разговаравме за многу проблеми и се согласивме за многу од нив. Трамп ја нагласи економската соработка меѓу земјите и ние ќе продолжиме да ги градиме нашите односи, и покрај отпорот – рече Дмитриев.
Неговите изјави и снимки дополнително фрлаат светлина врз атмосферата на самитот и симболичните моменти што им претходеа на разговорите за билатерална соработка меѓу Русија и САД.
Bear was indeed a good sign 🧸 😇🕊️
— Kirill A. Dmitriev (@kadmitriev) August 16, 2025
🇷🇺🤝🇺🇸 https://t.co/6s0zXJ7MwO