На Старбакс му е наложено да плати 50 милиони долари на клиентот од Калифорнија, Мајкл Гарсија, кој се изгорел од топол чај што му се истурил во скутот.
Неговите адвокати тврдат дека вработен кој му послужил три големи пијалоци во февруари 2020 година, неправилно ставил еден од нив во картонски држач. Кога Гарсија го зеде послужавникот, пијалокот се истури, предизвикувајќи изгореници од трет степен, според адвокатската фирма Trial Lawyers for Justice , која го застапува.
„По хоспитализацијата и повеќекратните пресадувања на кожна, Мајкл веќе пет години живее со обезличување, болка, дисфункција и психолошки последици предизвикани од неговите изгореници “, велат од компанијата.
Тие додадоа дека Старбакс ја негирал одговорноста за инцидентот, но понудил спогодба од 30 милиони долари пред судењето. Но, Гарсија не се согласил на ова бидејќи побарал и јавно извинување, како и промена на политиката за постапување со топли пијалаци, поради што случајот отишол на суд.
Поротата во Лос Анџелес му додели 50 милиони долари, а неговите адвокати тврдат дека Старбакс ќе плати над 60 милиони долари, вклучувајќи камати, судски трошоци и адвокатски такси.
„Горди сме што Мајкл имаше храброст да ја раскаже својата приказна и да се заложи за себе“, изјавија неговите адвокати.
Портпаролката на Старбакс Џеси Андерсон ја објави жалбата.
– Ние сочувствуваме со господинот Гарсија, но не се согласуваме со одлуката на жирито да не смета за одговорни за овој инцидент. „Исто така, веруваме дека досудената отштета е прекумерна“, рече Андерсон во изјава за АФП.
Случајот потсетува на познатата тужба од 1994 година против Мекдоналдс во Ново Мексико, кога на 79-годишната Стела Либек ѝ беа доделени повеќе од 2,8 милиони долари откако си го истури топлото кафе врз себе.